Pas takimit me presidentin e Serbisë, Aleksander Vuçiq në Beograd, kancelari gjerman Olaf Scholz, i kërkoi Vuçiqit në mënyrë të mprehtë që Serbia t’i bashkohet BE-së dhe të vendosë sanksione ndaj Rusisë, raporton b92.
Njëra nga temat kryesore të bisedës Vuqiç-Scholz, ishte edhe dialogu me Kosovën, për të cilën presidenti serb deklaroi se do të bëjë një sërë hapash të vegjël për të shënuar përparim në këtë çështje.
“Kam vënë në dukje gjithçka që nuk është përmbushur nga marrëveshja e Brukselit. E kuptova mesazhin e kancelarit se është e rëndësishme të bëjmë një sërë hapash më të vegjël dhe do të bëjmë çmos që të bëjmë përparim në marrëdhëniet me Prishtinën”, tha Vuçiq.
Sipas tij, është diskutuar edhe për situatën në Evropë dhe në botë.
“Kancelari Scholz i kërkoi shumë ashpër Serbisë që t’i bashkohet sanksioneve. Unë fola për marrëdhëniet tona me Federatën Ruse. Folëm për dimrin e ardhshëm, theksova të gjitha vështirësitë me të cilat po përballemi sot.”./KosovaNews/