Aktualisht në Kosovë, letërnjoftime dhe patentë shoferë mund të marrin vetëm qytetarët të cilët kanë nevojë emergjente për këto dokumente.
Sipas Ministrisë së Punëve të Brendshme në Qendrën e Regjistrimit Civil ka mungesë të materialit për dokumentet identifikuese siç janë letërnjoftimet dhe patentë shoferë.
Në një përgjigje për Telegrafin, Rrokasna Qarri, Drejtoreshë e Zyrës për Komunikim me Publikun, nga MPB, tha se po përpiqen që të furnizojnë të gjithë me këto dokumente, mirëpo rastet urgjente janë primare.
“MPB është e përkushtuar që të pajisë të gjithë qytetarët me dokumente, e në veçanti rastet që kanë nevojë urgjente”, tha ajo.
Tutje Qarri tha se kriza globale dhe pandemia COVID-19, kanë ndikuar që të shkaktohen mungesa për pajisje me material.
“Për arsye të krizës globale, si dhe pandemisë me COVID-19, furnizimet me material janë vështirësuar. Si shumë shtete të tjera, ashtu edhe ne po kemi vështirësi të furnizimeve me materiale, këto vështirësi i ka shkaktuar kriza globale, si dhe pandemia me COVID-19″, deklaroi Qarri.
