Në Novobërdë, dy qytetarë kanë raportuar në polici se gjatë qëndrimit në malin që pretendojnë si pronë të tyre, kanë hasur në tre persona të panjohur të cilët dyshohet se po prisnin dru pa autorizim.
Sipas deklarimeve të tyre, njëri nga të dyshuarit ka qenë i armatosur me armë automatike të llojit AK-47 dhe ka shtënë disa herë në ajër për t’i frikësuar. Policia thekson se njëri nga ankuesit ka pohuar se ka pasur një përballje fizike me të dyshuarin e armatosur, i cili më pas është larguar nga vendi i ngjarjes pas disa të shtënave.
Policia ka dalë në vendin e ngjarjes dhe ka sekuestruar 12 gëzhoja të gjetura në terren.
Me vendim të prokurorit, ndaj dy ankuesve është iniciuar rasti “Vetëgjyqësi”, ndërsa ndaj tre personave të dyshuar të paidentifikuar është hapur hetim për veprën penale “Armëmbajtje pa leje”. Rasti është duke u trajtuar nga njësitet përkatëse hetimore.
