Një zyrtare e Policisë së Kosovës i ka thyer rregullat e trafikut rrugor.
Kjo pasi që e njëjta është parë duke përdorë telefonin gjatë ngasjes së veturës.
Qytetarët e kanë xhiruar policen dhe pamjet i kanë postuar nëpër rrjetet sociale.
Nuk dihet vendi dhe koha kur është bërë kjo kundërvajtje trafiku nga zyrtarja.
Por ajo që dihet është fakti se gjobat që marrin kundërvajtësit bazohen në Ligjin për Rregullat e Trafikut.
Dhe neni 231 është ai që cakton gjobën prej 40 euro për personat që përdorin telefonin gjatë lëvizjes me automjete.
Sipas raportit te mëhershëm të Policisë së Kosovës, një ndër shkaktarët kryesor të aksidenteve është edhe përdorimi i telefonit gjatë ngasjes.
