Republika e Kosovës ka vendosur sanksione të reja kundër grupit të mercenarëve rus “Wagner”.
Vendimi është marrë në mbledhjen e sotme të Qeverisë së Kosovës.
Në rendin e ditës të cilin e ka publikuar paraprakisht Qeveria, vendosja e sanksioneve ndaj grupit “Wagner” është në pikën e nëntë.
“Shqyrtimi i propozim-vendimit për ndryshimin dhe plotësimin e Vendimit të Qeverisë Nr. 03/78, të datës 16 maj 2022, për vendosjen e masave kufizuese kundër Grupit Wagner – një entitet ushtarak privat i pa inkorporuar, me bazë në Rusi”, thuhet në pikën e nëntë.
Arsyetimin për votimin e sanksioneve e ka dhënë zëvendëskryeministri Besnik Bislimi.
Ai tha se Kosova si nga dita e parë vazhdon të jetë edhe tani e rreshtuar në krah me partnerët perëndimor, si ShBA e BE për vënien e sanksioneve ndaj Rusisë dhe grupeve që marrin pjesë në luftime në Ukrainë dhe destabilizim në vende të ndryshme të botës.
