Kryeministri i Republikës së Kosovës, Albin Kurti, i shoqëruar nga ministri i Shëndetësisë, Arben Vitia, ka vizituar mëngjesin e sotëm punimet që po bëhen në ndërtimin e Klinikës Hemato-Onkologjike dhe në Klinikën e Nefrologjisë.
Në vizitën e hershme që nisi në oborrin e QKUK-së, Kurti dhe Vitia u njoftuan nga stafi lidhur me vijueshmërinë e punimeve.
Kryeministri Kurti u shpreh i lumtur me mbarëvajtjen e punimeve, duke thënë se këto dy klinika pritet të ofrojnë shërbime të cilësisë së lartë, gjithnjë duke vendosur në plan të parë pacientin.
Ai tha se ky projekt është në vlerë 4.3 milionë euro dhe se qytetarët nuk do të kenë më nevojë që të mendojnë me cilën avio-kompani të udhëtojnë jashtë shtetit për t’u shëruar, por do të marrin shërbime cilësore shëndetësore në Kosovë.
Pacientët do të kenë qasje në shërbime të reja që nuk janë të dispunueshme në vendin tonë”, tha Kurti.
“Në këto dy Klinika do të ofrohen shërbime të cilat deri tani nuk janë ofruar në Kosovë. Edhe pse është paraparë që punimet në këto klinika të zgjasin 36 muaj, me intensitetin e tanishëm të punimeve afati kohor do të shkurtohet në 24 muaj”, shtoi kryeministri.
Guri themeltar i këtyre klinikave ishte vendosur në maj të këtij viti.
