Partia Socialdemokrate e ka pritur me protestë kryetaren e Gjykatës Speciale, Ekaterina Trendafilova, gjatë vizitës së saj në Kosovë të mërkurën.
Aktivistët e PSD-së janë mbledhur përpara vendit ku Trendafilova do të mbajë takim me shoqërinë civile.
“TrendafilOUT”, “UÇK-ja nuk mund të gjykohet”, “Historia është shkruar, propaganda ka dështuar”, janë disa nga pankartat e mbajtura nga aktivistët e PSD-së.
Anëtarët e PSD-së së bashku me OVL-UÇK-në kanë hedhur gaz lotjesllës e mjete shpërthyese në drejtim të policisë që ishin para hotelit ku po mbahet takimi i Trendafilovës me shoqërinë civile.
Ndërsa policia për të shpërndarë protestuesit ka hedhur gaz lotsjellës.
Policia e Kosovës ka arrestuar disa aktivistë të PSD-së, në mesin e të cilëve edhe Dardan Molliqaj dhe Nol Nushi.
Raportohet se nga gazi lotsjellës disa gazetarë kanë probleme me frymëmarrje.
