Një aksion është duke u realizuar në Prishtinë, në koordinim me Prokurorinë dhe policinë.
Përmes një njoftimi për media, Prokuroria Themelore në Prishtinë ka bërë të ditur se po kryhen bastisje në disa lokacione, nën dyshimin për mashtrime.
“Prokuroria Themelore në Prishtinë, njofton opinionin publik se nën udhëheqjen e Prokurorit të Shtetit në koordinim me Policinë e Kosovës, si dhe pas aprovimit të gjyqtarit të procedurës paraprake, është duke realizuar një aksion, me ç’ rast janë duke u bërë bastisje në disa lokacione, mbi dyshimin për kryerjen e veprës penale të mashtrimit”, thuhet në njoftim.
Prokuroria ka shtuar se për zhvillimet rreth këtij aksioni do të njoftoheni me kohë.
