Prishtina Weather: Dje ishte dita më e ftohtë që nga viti 1979, javën e ardhshme do të ngritën temperaturat
Përmirësim të motit do të ketë në javën që po hyjmë, ku në fillim do të ketë mot më të freskët e pastaj temperaturat do të shkojnë duke u ngritur deri në mbi 30 gradë Celsius, njofton Prishtina Weather.
Sipas tyre, e shtuna e 9 korrikut ishte dita më e ftohtë e shënuar që nga viti 1979.
“Mot stabil gjatë javës në vijim, me diell dhe vranësira kalimtare. Fillimisht jo shumë ngrohtë, në pjesën e dytë më nxehtë, me temperatura mbi 30 gradë Celsius. Mot stabil parashihet të dominojë përgjatë javës së dytë të korrikut. Do të ketë intervale më të gjata me diell, e vranësira kalimtare. Të reshura nuk parashihen për momentin. Në aspektin termik fillimisht do të mbajë mot i ngrohtë, e gjatë pjesës së dytë sërish mot i nxehtë shtrihet mbi vendin tonë me temperatura mbi 30 gradë Celsius”, thuhet nga Prishtina Weather.
https://www.facebook.com/PrishtinaWeather/posts/pfbid02cHTvxjh7koztTdwQs3sTZBhELdmphF5jgAP892zQfK4NNiqT9Ym7tdZcXY6avVLrl