Në Ditën e Humanizmit, presidentja e Kosovës, Vjosa Osmani, ka thënë se vepra e Nënës Terezë i mbush zemrat me krenari e frymëzim, duke deklaruar se besimi dhe dashuria e saj për njerëzit “duhet të jenë udhërrëfyes për një botë më humane”.
Osmani ka shkruar në Facebook të enjten se në 27-vjetorin e vdekjes së Goxhe Bojaxhiut, ajo kujtohet me respekt dhe krenari, derisa ka cituar atë që ishte shprehur se “me gjak unë jam shqiptare”.
“’Me gjak unë jam shqiptare. Me shtetësi jam indiane. Me besim unë jam një murgeshë katolike. Sipas profesionit tim, unë i përkas botës…’” – Shën Tereza. Në Ditën e Humanizmit, nderojmë jo vetëm jetën dhe trashëgiminë e një gruaje të jashtëzakonshme, por edhe vlerat që ajo mishëroi – dhembshurinë, dashurinë dhe shërbimin ndaj njerëzimit. Nënë jonë Terezë mbetet një fanarë dhembshurie, përulësie dhe shërbimi vetëmohues ndaj njerëzimit. Anjezë Gonxhe Bojaxhiu, me krenari e identifikoi veten si shqiptare, ndaj vepra e saj jetësore gjithnjë na mbushë zemrat me krenari e frymëzim”, ka thënë Osmani.
