Presidentja e Kosovës, Vjosa Osmani është deklaruar një ditë pasi që e ka pritur në takim udhëheqësin e Agjencisë Qendrore të Inteligjencës Amerikane, CIA, William Burns.
E para e vendit ka thënë se aleanca me Shtetet e Bashkuara të Amerikës (ShBA) është garancë për siguri, paqe e sukses teksa ka shpërndarë disa fotografi nga takimi.
“Aleanca me Shtetet e Bashkuara, garancë për siguri, paqe e sukses! Kënaqësi që mirëprita dje në Republikën e Kosovës Shefin e Agjencisë Qendrore amerikane të Inteligjencës (CIA), Ambasadorin William Burns”, ka shkruar Osmani në Facebook.
