Ka nisur të mbahet takimi i presidentes së Kosovës, Vjosa Osmani me këshilltarin e lartë amerikan, Derek Chollet, i cili erdhi për vizitë zyrtare në Kosovë.
Pas takimit me Osmanin, këshilltari i lartë amerikan do të takojë edhe kryeministrin Albin Kurti.
Collet po shoqërohet edhe nga i dërguari special i ShBA-së për Ballkanin Perëndimor, Gabriel Escobar.
Temë e diskutimit në takime do të jetë intensifikimi i dialogut Kosovë-Serbi dhe çështja e arritjes së një marrëveshjeje përfundimtare.
Sipas njoftimit të DASH-it, ai do të bisedojë me krerët në Kosovë dhe të Serbisë për integrimin euroatlantik, përfshirë edhe arritjen e një marrëveshjeje për normalizimin e raporteve mes dy shteteve, të bazuar në njohje reciproke.
Chollet do të qëndrojë më 11 janar edhe në Shkup, ndërkaq një ditë më pas do të vizitojë edhe Serbinë./KosovaNews
