Organizimin e Kampionatit Evropian të Hapur të xhudos në Prishtinë presidentja e Kosovës, Vjosa Osmani e sheh në funksion të forcimit të subjektivitetit ndërkombëtar të Kosovës.
Osmani ka folur të shtunën para xhudistëve pjesëmarrës në garën e organizuar në Kosovë.
“Kampionati shënon një hap të rëndësishëm për subjektivitetin ndërkombëtar të Kosovës. Pjesëmarrësve përmes këtij kampionati u ofrohet një mundësi e mirë për ta njohur shtetin e ri. Kampionati është mirënjohje për suksesin e xhudisteve tona. Xhudistët tanë po krijojnë një imazh shumë pozitiv për Kosovën”, ka thënë Osmani. “Federata e Xhduos së Kosovës meriton vlerësim për organizimin e këtij kampionati”.
Ministri i Kulturës, Rinisë dhe Sportit, Hajrulla Çeku ka falenderuar trajnerin Driton Kuka dhe ish-xhudisten, Majlinda Kelmendi.
“Pa këta dy nuk do të ishim këtu”, ka thënë ai.
E kryetari i Federatës së Xhudos së Kosovës, Agron Kuka ka thënë se organizimi i kampionatit ka vlerë të madhe.
“Ai ka thënë se ky kampionat është ngjarja më e madhe sportive e organizuar ndonjëherë në Kosovë”, është shprehur ai.
