Qeveria e Kosovës ka miratuar sot Projektligjin për Ekspertët Gjyqësorë.
Kryeministri Albin Kurti ka thënë se deri më tani ka pasur mundësi se si ekspertë në gjykatë të ftohen persona pa kualifikime.
Ai ka thënë se kjo praktikë duhet të eliminohet.
“Ekspertizat janë mjet i rëndësishëm në drejtim të kontestimit të së vërtetës nga ana e gjykatës. Çështja e ekspertëve gjyqësorë deri më tani nuk është rregulluar me ligj por vetëm më akte nën ligjore. Ka pasur mundësi se si ekspertë në gjykatë të ftohen edhe persona pa kualifikime”, ka thënë Kurti.
Ndërsa Ministrja e Drejtësisë, Albulena Haxhiu ka thënë se Kosova për herë të parë po e procedon një ligj të tillë në Kuvend që ka të bëjë me ekspertë gjyqësor.
“Projektligji adreson super ekspertizat që kryhen nga të paktën tre ekspertë të licencuar në atë fushë. Gjithashtu kushtet dhe kriteret për licencimin e ekspertëve janë disa çështje që do të trajtohen. Adresohet çështja e kompensimit të ekspertëve”, ka thënë Haxhiu.
Më këtë ligj rregullohet edhe marrja e heqja e licencave, të cilat kanë afat prej 5 vjetësh.
Ministrja Haxhiu pas mbledhjes së Qeverisë në një konferencë për medie tha se kjo ndalon abuzimet që janë bërë deri tani në emër të ekspertizave nëpër gjykata dhe institucione tjera./KosovaNews/
