Komiteti i Ministrave, me mbi dy të tretat e votave të nevojshme, ka votuar në favor të pranimit të aplikimit të Republikës së Kosovës në KE dhe kërkoi opinionin e Asamblesë Parlamentare (APKiE) mbi këtë aplikim.
Këtë e komentoi edhe Presidentja e Kosovës, Vjosa Osmani, duke thënë se së shpejti, flamuri i Republikës së Kosovës do të valëvitet edhe në Këshillin e Evropës.
Osmani falënderoi aleatët e Kosovës që votuan jo vetëm për Kosovën por mbi të gjitha për demokracinë, lirinë dhe të drejtat e njeriut.
