Pas situatës së përleshjeve të zhvilluar në Kuvendin e Kosovës, presidentja e vendit Vjosa Omani k areaguar duke thënë se përdorimi i dhunës si mjet për t’i adresuar mosmarrëveshjet politike është dëmi më i madh që mund të iu bëhen institucioneve të vendit.
Osmani, po ashtu ka shtuar se Kuvendi është gurthemel i shoqërisë sonë dhe se dhuna nuk ka vend në tëmpullin e demokracisë.
“Përdorimi i dhunës fizike si mjet për t’i adresuar pakënaqësitë, dallimet apo mosmarrëveshjet politike është dëmi më i madh që mund t’i bëhet institucioneve që janë ndërtuar me aq shumë mund e sakrificë.
Kuvendi është gurthemeli i shoqërisë sonë demokratike, ku zëra të ndryshëm bashkohen për t’i përfaqësuar interesat e qytetarëve, ndaj dhuna nuk ka vend në tempullin e demokracisë dhe nuk mund të shndërrohet në mjet politik.
Duhet ta riafirmojmë përkushtimin tonë ndaj demokracisë, mendimit ndryshe, sikurse edhe respektit të ndërsjellë, duke u mbështetur në sundimin dhe respektimin e ligjit”, ka shkruar presidentja Vjosa Osmani, në facebook.
