Ministrja për Evropë dhe e Punëve të Jashtme të Shqipërisë, Olta Xhaçka, sot bën vizitë zyrtare në Kosovë.
Xhaçka sot do të takohet me zëvendëskryeministren dhe ministren e Punëve të Jashtme dhe Diasporës, Donika Gërvalla.
“Gërvalla dhe Xhaçka, do të zhvillojnë një takim bilateral në Ministrinë e Punëve të Jashtme dhe Diasporës, ku më pas do kenë një prononcim për media”, thuhet në njoftimin e Ministrisë së Punëve të Jashtme dhe Diasporës.
