Kosova do të zhvendosë ambasadën e saj në Britaninë e Madhe në një pronë me vlerë 7.4 milionë euro, në një nga zonat më të preferuara të Londrës.
Vetë kryeministri Albin Kurti ka treguar arsyen pse Kosova e bleu vilën për ta shndërruar në ambasadë në Britaninë e Madhe
Kurti ka shkruar në rrjetin social Twitter se po synojnë të forcojnë më shumë lidhjet në mes Kosovës dhe Britanisë së Madhe.
”I emocionuar të ndaj që ambasada Kosovës në Mbretërinë e Bashkuar ka një adresë të re dhe së shpejti do të zhvendoset në Hyde Park në një shtëpi që i përkiste komedianit të ndjerë Spike Milligan. Ne jemi të nderuar nga historia kulturore që mban lokacioni dhe synojmë të forcojmë më tej lidhjet tona me Mbretërinë e Bashkuar“, ka shkruar sot kryeministri Kurti.
Excited to share that the ?? embassy in ?? has a new address and will soon be moving to Hyde Park at a home that belonged to the late comedian Spike Milligan. We are honored by the cultural history that the location holds and aim to further strengthen our ????ties from there. pic.twitter.com/4rrzvIY3kx
— Albin Kurti (@albinkurti) April 11, 2023
Siç raportoi edhe dje gazeta britanike “The Telegraph”, rezidenca që ka rreth 530 m2 hapësirë, ishte në pronësi të komedianit të njohur Spike Milligan.
Marrëveshjen për blerjen e kësaj rezidence e ka bërë ambasadori i Kosovës në Britaninë e Madhe, Ilir Kapiti, ndërsa marrëveshja e shitjblerjes është ndërmjetësuar nga agjencia “Beauchamp Estates”.
Nga rruga “John Street” në Holbron ku tani ndodhet Ambasada e Kosovës në Londër, do të zhvendoset në rezidencën që gjendet pranë një prej parqeve më të mëdha të Londrës, i njohur si Hyde Park.
