Shefi i kabinetit të Komunës së Prizrenit, Nehat Elshani, ka kërcënuar me familje zyrtaren e Drejtorisë së Urbanizmit, XH.GJ., duke i kërkuar t’i jepej leje ndërtimi për një objekt shumëkatësh “Albanica Residnace” në lagjen “Bazhdarana” të Prizrenit, në mënyrë të kundërligjshme.
Sipas burimeve të KosovaNews, kryetari Totaj, bashkë shefin e kabinetit Elshani dhe investitorët e objektit, i kanë bërë presion zyrtares XH.GJ. që të bëjë të mundshme dhënien e lejes edhe pse nuk i plotëson kriteret.
KosovaNews merr vesh se në dalje të takimit nga zyra e Shaqir Totajt, shefi i kabinetit Elshani ka ofenduar dhe kërcënuar me familje zyrtaren në fjalë nëse nuk i jepet leja.
Zyrtarja e traumatizuar nga kërcënimi është alivanosur dhe ka pranuar ndihmë me ujë dhe medikamente nga zyrtarët e Komunës që ishin prezentë.
KosovaNews merr vesh se parcela në të cilën planifikohet të ndërtohet ky objekt është pronë e shefit të kabinetit Elshani, i cili së bashkë me vëllain e tij, Albert Elshani, ia kanë dhënë pronën kompanisë së Behgjet Pacollit për të ndërtuar objekt tetë katesh.
Sipas Hartës Zonale të Komunës së Prizrenit, në zonën ku po planifikohet ndërtimi i këtij objekti, nuk lejohet të ndërtohen objekte më shumë se 6 kat.
Ndërkaq, burimet e KosovaNews, thonë se shefi i kabinetit të Totajt, Nehat Elshani, ka kërcënuar dhe ka fyer zyrtaren e urbanizmit XH.GJ duke kërkuar leje ndërtimi për 8 kat, pasi që kjo e fundit nuk pranoi për shkak se ishte e kundërligjshme.
Zona e emëruar si “ZSHP” në figurën 1 më poshtë është parcela ku planifikohet ndërtimi i objektit “Albanica Rezidance”, ndërkaq, në figurat 2 dhe 3 është dhënë Harta Zonale e Prizrenit, ku thuhet se në zonën në fjalë, nuk lejohet të ndërtohet objekt shumë se 6 kat:
Më poshtë, gjeni postimin e Albert Elshanit, i cili është vëllai i shefit të kabinetit Nehat Elshani, ku paralajmëron ndërtimin e objektit “Albanica Rezidance”
Në lidhje me këtë kërcënim, gjatë ditës së sotme kanë reaguar edhe nga Lëvizja Vetëvendosje në Prizren, duke kërkuar nga organet e drejtësisë që të merren me rastin.
Postimi i asamblistit të Lëvizjes Vetëvendosje në Prizren, Selman Sokoli:
