Këshilltarja e kryeministrit Albin Kurti, Ardita Sinani ka njoftuar se është ndaluar në pikën kufitare në Muçibabë nga policia kufitare serbe.
Ajo ka shkruar në Facebook se arsyetimi i vetëm që i është dhënë nga policët kufitarë të Serbisë se kanë urdhër për ndalimin e saj “dhe nuk mund të lejojnë ta kalojë kufirin pa marrë pëlqim nga baza”.
“Asnjë sqarim shtesë për arsyen, apo se kush është baza që duhet pyetur dhe marrë leje për të kaluar kufirin. Kjo mbase mund të jetë kostoja e të qenurit Këshilltare Politike e Kryeministrit të Republikës së Kosovës, por sigurisht nuk do të jet mjeti me të cilin do të heshtet zëri për të drejtat e shqiptarëve të Luginës së Preshevës”, ka thënë ajo.
Sipas saj, “ky rast do të jetë vetëm shtytje edhe më e madhe për të folur me zë edhe më të lartë për diskriminimin shtetërorë serb ndaj shqiptarëve”.
Sipas saj, ndalimi nga policia në kufi, është vetëm njëra ndër to, e që sipas saj është edhe metodë e vjetër politike e shtypjes e etërve politik të udhëheqësve aktual të Serbisë.
