Policia e Kosovës njofton se dje ka sekuestruar 5 armë zjarri të llojeve të ndryshme dhe një sasi municioni në një fshat të komunës së Dragashit.
Sektori i Hetimeve të Stacionit Policor Dragash, me iniciativën e hetuesve ka zbatuar dje në fshatin Zapluzhë KK Dragash, një kontrollim me urdhëresë të lëshuar nga Gjykata Themelore në Prizren.
“Në bazë të urdhëresës është kryer kontrollimi i shtëpisë dhe objekteve përcjellëse të dyshuarit mashkull, i moshës 49 vjeçare, me ç‘rast janë gjetur dhe sekuestruar pesë (5) armë dhe një sasi e madhe e municionit si dhe disa pajisje shtesë.
Gjërat e sekuestruara:
– 1 (një) Revole TT me dy Karikator , 44- Copë fishekë të cal.7.62 mm,
– 1 (një)Revole e vjetër me këllëf, me qark pa numër, 71- Copë Fishekë të cal.7.62 mm,
– 1 (një) Pushkë të gjuetisë dhe dy këllëf për mbajtjen e fishekëve të armës së gjuetisë, 60- Fishekë të armës së gjuetisë të cal. 12 mm, 5- Gëzhoja të armës së gjuetisë,
– 1- Pushkë automatike pa karikator,
– 1- Pushkë ajrore pa municion,
– 1- Shkop druri i cili përdorët për vendosjen e armës së gjuetisë.
– 1 -Thikë me këllëf me dorëz të bardhë,
– 1- Brisk xhepi Stainles,
Bëhet e ditur se i dyshuari është shoqëruar në Stacion të Policisë në Dragash dhe është intervistuar nën prezencë të avokatit mbrojtës.
Sipas policisë, kundër të dyshuarit është hapur rast për veprën penale dhe “Mbajtja në pronësi, kontroll të paautorizuar të armës”, ndërsa në konsultim me prokurorin i dyshuari është ndal në mbajtje policore për 48 orë./KosovaNews/
