Gjatë ditës së sotme Policia e Kosovës, gjatë kryerjes së detyrave të rregullta policore në rajonin e Veriut, ka pranuar informacion se në një shtëpi të braktisur në fshatin Jashanicë, komuna e Leposaviqit, mund të gjendeshin armë.
Lidhur me këtë pas pranimit të informatës, njësitë relevante policore kanë dalë në lokacion dhe gjatë kontrollit kanë gjetur dhe sekuestruar:
– 1(një) pushkë karabin e tipit M48
– 1(një) armë AK-47
– 1 (një) pushk gjuetie
– 1 armë(pistoletë) CZ me dy karikator të zbrazët
– 128 fishekë të kalibrave të ndryshëm
Në lidhje me rastin është njoftuar Prokurori i Shtetit, i cili ka udhëzuar inicimin e rastit “Mbajtje në pronësi, kontroll ose posedim të paautorizuar të armëve”.
Lidhur me këtë rast, nuk ka persona të arrestuar, ndërsa rasti mbetet nën hetime./Indeksonline/
Lidhur me rastit është deklaruar edhe ministri i Punëve të Brendshme, Xhelal Sveçla duke thënë se institucionet do të vazhdojnë pa kompromis përpjekjet për ta garantuar këtë në çdo pjesë të territorit të Republikës së Kosovës.
Reagimi i Plotë i ministrit Sveçla:
Çdo ditë e punës sonë mbetet e fokusuar në luftimin e çdo forme të ilegalitetit në të gjithë territorin e Republikës sonë.
Angazhimi i pandalshëm i Policisë së Kosovës po vazhdon të japë rezultate konkrete, si edhe rasti i sotëm me identifikimin dhe sekuestrimin e një sasie armatimi, municioni dhe uniformash ushtarake në një shtëpi të braktisur në Leposaviq.
Sundimi i rendit dhe ligjit në çdo cep të Republikës sonë mbetet parakusht për sigurinë e qytetarëve dhe stabilitetin e vendit tonë, ndërsa institucionet tona do të vazhdojnë pa kompromis përpjekjet për ta garantuar këtë në çdo pjesë të territorit të Republikës së Kosovës.
