Policia e Kosovës ka publikuar një kërkesë për bashkëpunim me qytetarët, me qëllim të identifikimit të një personi të dyshuar për përfshirje në një rast të vjedhjes.
Sipas njoftimit zyrtar, Njësiti i hetimeve të stacionit policor në Graçanicë, me autorizim të prokurorisë kompetente, ka bërë publike fotografinë e personit të dyshuar dhe kërkon ndihmë nga qytetarët që mund të ndihmojnë në zbardhjen e rastit.
Çdo informatë që çon në identifikimin e personit, mund të dërgohet në këto kontakte: Telefononi në numrin pa pagesë: 192, E-mail: [email protected].
Policia garanton anonimitet dhe konfidencialitet të plotë për të gjithë ata që ofrojnë informacione.
“Ndihma juaj mund të jetë vendimtare në zbulimin e këtij rasti”, thuhet në njoftimin e Policisë së Kosovës.
