Policia e Maqedonisë në bashkëpunim me policinë e Greqisë zbuloi 105 kilogramë kokainë që u sekuestrua në Selanik të Greqisë. Në këtë aksion policor janë arrestuar 10 persona edhe atë 7 nga Greqia, 3 nga Shqipëria, kurse në Maqedoni janë arrestuar 4 persona.
“Rasti është realizuar si rezultat i bashkëpunimit disa mujor me autoritetet në Selanik ndaj anëtarëve të cilët si anëtarë të grupeve kriminale të organizuara kanë ndërmarrë disa veprime me qëllim të marrjes së drogës nga Ekuadori në Selanik që më pas të dërgohet në disa vende, njofton Telegrafi.
Kokaina ka arritur në kontenjerë të frutave të bananeve që janë paguar një person juridik nga Shkupi, ndërsa pronari i personit juridik është A.K (70) nga Shkupi i cili ka regjistruar firmën në vitin 2022 në marrëveshje me S.G (58) nga Gjevgjelia për ta përdorur për import të frutave nga Amerika jugore.
“Pas arritjes në Selanik, kontejnerët janë sekuestruar nga automjeti me tabela të Gjevgjelisë e drejtuar nga shtetasi i Maqedonisë M.M (30) i cili është angazhuar nga S.G. Pas marrjes së mallit, M.M është drejtuar te një magazinë në afërsi të Selanikut nga ku është kapur nga policia greke dhe janë gjetur 105 kilogramë kokainë, ndërsa M.M është privuar nga liria”, thonë nga policia./
