Policia e Kosovës, në vazhdën e luftës për parandalimin dhe luftimin e rasteve të abuzimit me substanca narkotike, pas hetimeve intensive, sot në veri të Mitrovicës është duke realizuar një operacion policor antidroge, me mbështetjen edhe të njësive të tjera relevante policore.
“Policia e Kosovës në fushën e parandalimit, hetimit dhe zbulimit të trafikimit me narkotikë edhe gjatë vitit të kaluar ka ndërmarr disa operacione të suksesshme policore ku janë konfiskuar sasi e konsiderueshme e substancave të dyshuara narkotike, janë zbuluar laboratorë droge, janë arrestuar numër i madh i personave të dyshuar, si dhe janë shpartalluar grupe të ndryshme kriminale në mbarë vendin”, thuhet në njoftimin e Policisë së Kosovës.
Tutje thuhet në njoftim se lidhur me rezultatet apo detajet e këtij operacioni të antidrogës do të jepen hollësi me kohë pas pranimit të raporteve apo informatave nga njësitet në teren.
