Rreth orës 17:00, një person është plagosur me armë zjarri në Hajvali të Prishtinës. Rastin konfirmuar zëdhënësja e Policisë për rajonin e Prishtinës, Flora Ahmeti.
“Sot rreth orës 17:00 policia ka marrë informatën për një plagosje me armë zjarri, në Hajvali. Nga arma e zjarrit lëndime ka pësuar një person, i cili është dërguar për tretman mjekësor”, ka thënë Ahmeti.
Ahmeti shtoi se hetuesit policor, në koordinim me prokurorin e shtetit janë duke punuar për arrestimin e personit të dyshuar (i identifikuar nga ana e policisë) si dhe sqarimin të gjitha rrethanat që kanë të bëjnë me këtë ngjarje.
