Një incident ka ndodhur në zonën e Bjeshkës së Lumëbardhit-Levoshe, ku një qytetar kosovar është plagosur aksidentalisht duke shtënë me armë zjarri.
Sipas policisë i dyshuari, pas trajtimit fillestar në Spitalin Rajonal të Pejës, është transferuar në QKUK për trajtim të mëtejshëm, pasi ka qëlluar veten në dorë nga pakujdesia.
Policia ka konfiskuar një pistoletë me 17 fishekë, për të cilën i dyshuari kishte leje për shenjëtari, por jo për bartje.
Me urdhër të prokurorit, rasti është duke u proceduar në mënyrë të rregullt. Hetimet po vazhdojnë për të sqaruar të gjitha rrethanat e ngjarjes.
