Sot është bërë përurimi i memorialit “Katër Dëshmoret e Kaçanikut” në hapësirat e Ambulancës së Qytetit në Kaçanik.
Memoriali u kushtohet dëshmoreve Mukadeze Lika-Muhaxheri, Jehona Raka, Lumnije Raka dhe Emsale Frangu, të cilat ranë në shërbim të atdheut.
Ky memorial është realizuar si investim i Qeverisë së Kosovës, nën udhëheqjen e kryeministrit Albin Kurti, dhe synon ruajtjen e kujtesës historike të grave të cilat dhanë kontribut të jashtëzakonshëm gjatë periudhave të vështira për vendin.
Në ceremoninë e përurimit pritet të marrin pjesë përfaqësues institucionalë, familjarë të dëshmoreve, qytetarë të Kaçanikut si dhe përfaqësues të organizatave të dala nga lufta.
Memoriali vjen si një kujtesë e përhershme e sakrificës dhe heroizmit të katër grave që sot nderohen me respekt dhe mirënjohje të veçantë.
