Codacons dhe Shoqata e Klubit të Napolit kanë apeluar në Gjykatën Administrative Rajonale të Lazios dhe kanë paraqtiur një ndërhyrje në Kolegjin e Garancisë së Sporteve për të kërkuar anulimin e kampionatit të sezonit 2018-2019 të fituar nga Juventusi dhe për ta marrë Napoli, i cili përfundoi në vendin e dytë atë sezon, përcjell KosovaNews.
Rasti i dytë është i lidhur me rastin e fitimeve kapitale që përfhsin klubin e Juventusit. Në fakt, ankimi bazohet në shkeljen e ndodhur të parimeve bazë të Rregullores Sportive dhe Drejtësisë Sportive dhe në veçanti në faktin se kompania Juventus ka ndryshuar rregullsinë e kampionateve 2018-2019, 2019-2020 dhe 2020-2021. Sipas ankuesve, kjo do të thotë shkelje e sanksionit disiplinor të revokimit të Scudettos 2018-2019, me pasojë caktimin e ligës për Napolin. Kërkesat janë zyrtarizuar nga avokatët Enrico Lubrano, Angleo Pisano, Oreste Pallotta dhe Carlo Claps, si mbrojtës të Shoqatës të Napolit dhe Codacons.
Duke folur në “TV Play” për të komentuar situatën, avokati Enrico Lubrano, ekspert në të drejtën sportive, nuk ka dyshime: “Është shumë e thjeshtë. Gjykata Federale ka konstatuar se me sistemin e fitimeve kapitale, Juventusi ka ndryshuar rregullsinë e kampionateve 2018-2019, 19-20 dhe 20-21. Kjo nënvizohet shumë qartë në faqen 34 të vendimit. Pra, nëse ke ndryshuar rregullsinë e një kampionati, të cilin e ke fituar më pas në fushë, duhet të të hiqet Scudetto, është shumë e thjeshtë siç ishte në kohën e Calcipoli. Duhet t’u hiqet atyre që kanë ndryshuar rregullsinë e kampionatit dhe, për rrjedhojë, t’u caktohet atyre që dolën të dytët”, përfundoi avokati.
