Përkundër se gjatë ditës së sotme u takua dhe morri mbështetje nga ambasadori i SHBA-së në Kosovë, Jeff Hovenier, këshilltarja e Ministrit për Kthim dhe Komunitete, Rada Trajkoviq është ndaluar përsëri në kufirin mes Kosovës dhe Serbisë, gjersa ka dashur të kalojë në Serbi nga Kosova., përcjell KosovaNews.
Ajo po mbahet për disa orë nga policia serbe, teksa raporton se i është përkeqësuar gjendja shëndetësore.
Ajo ka publikuar edhe fotografitë e policëve që po e mbajnë.
Ka thënë se detyrohet ta bëjë këtë gjë, sepse shëndeti i saj seriozisht është në rrezik.
“Fatkeqësisht, për shkak të problemeve shëndetësore dhe për shkak të mungesës së terapisë, jam e detyruar të tregojë publikisht se cilët janë punonjësit e policisë që do të mbajnë përgjegjësi nëse gjendja ime përkeqësohet. Parandalimi i hyrjes së një shtetasi të Serbisë në vendin e tij është shkelje e Kushtetutës”, ka shkruar Trajoviqi në Twitter.
Trajkoviq ka thënë fillimisht se policët janë profesionistë, por po ndjekin urdhrat nga lart.
“Punonjësit e policisë janë profesionistë, por ndjekin urdhrat “nga lart”. Jemi të izoluar në të ftohtë dhe nuk kam me vete terapinë e nevojshme me insulinë”, ka shkruar ajo.
Ajo ka rikujtuar nenin 39 të Kushtetutës së Serbisë që thotë se “secili ka të drejtë të lëvizë dhe të banojë lirshëm në Republikën e Serbisë.
Trajkoviq ka thënë gjithashtu se rasti i saj sonte, tashmë është një çështje për një padi në gjykatën ndërkombëtare për të drejtat e njeriut.
Trajkoviq ka dhënë deklarata të forta kohëve të fundit kundër presidentit serb, Aleksandar Vuçiq. Njëjtë ka bërë edhe Vuçiq kur ajo u emërua këshilltare në Qeverinë e Kosovës.
Gjatë ditës së sotshme, Trajkoviq e ka takuar ambasadorin amerikan në Kosovës, Jeff Hovenier të cilin e ka njoftuar për ndalimet që ia bënë policia serbe kur do ta vizitojë Serbinë.
