SPAK kërkon dënimin me 4.5 vite burg për Ibrahim El Salih (Lekica/ Muxhahi), i akuzuar për “nxitje, thirrje dhe propagandim për qëllime terroriste”.
Thirrjet e tij janë bërë përmes postimeve në rrjetet sociale.
Sipas SPAK, nga ana e të pandehurit manifestohen thirrje dhe një punë propagandistike që të shtyjë ndjekësit e tij për të përkrahur luftën e shenjtë, e njohur si “xhihadin”.
Sipas SPAK, El Salih është solidarizuar me personat e vrarë në këtë luftë, me legjitimimin e krijimit të të ashtuquajturit Shteti Islam, të themeluar nga organizata terroriste ISIS në Irak dhe Siri, duke u solidarizuar me fitoren e tyre në ato territore.
Për më tej, i pandehuri sipas akuzave ka mbështetur personat e burgosur të cilët kryejnë vepra penale dhe akte terroriste kundër disa shteteve perëndimore.
