Për herë të parë një delegacion i Republikës së Kosovës, po merr pjesë në Konferencën e COP27, nën Konventën e Kornizës për Ndryshime Klimatike të Kombeve të Bashkuara (UNFCCC) në Egjipt.
Delegacioni i parë nga Kosova, kryesohet nga ministri Liburn Aliu, deputetja e Parlamentit dhe Kryesuesja e Komisionit për Mjedis, Fitore Pacolli-Dalipi, dhe Kenan Tora, diplomat nga Ministria e Punëve të Jashtme dhe Diasporës.
Në mbështetje të delegacionit të parë nga Republika e Kosovës janë, Agim Mazreku, i angazhuar nga UNDP si Analist i Politikave Mjedisore për Këshillin Ndërministror të Ndryshimeve Klimatike dhe Stefan Mager nga GIZ-i Gjerman.
Ministri LIburn Aliu ditë më parë tha se qëllim i Kosovës është anëtarësimi në Konventën për Ndryshime Klimatike të Kombeve të Bashkuara, ku Kosova do të kishte mundësi të negociononte dhe të kishte qasje në fondet për ndryshime klimatike.
