Kandidati i Lëvizjes Vetëvendosje për kryetar të Mitrovicës, Faton Peci, ka zhvilluar një takim me të rinjtë e qytetit, ku mori pjesë edhe kryeministri në detyrë, Albin Kurti.
Në videon e publikuar në Facebook, Peci u shfaq duke biseduar me të rinjtë për sfidat dhe mundësitë e tyre, duke theksuar se rinia do të jetë epiqendra e fokusit të qeverisjes lokale.
“Arsim të drejtë e të integruar, start-up dhe teknologji ku idetë marrin jetë, trajnime të gjuhëve të huaja, mbështetje në art, sport, shkencë e disiplina tjera, zhvillim digjital dhe aftësim profesional,” deklaroi Peci, duke shtuar se do të ketë edhe mundësi banimi dhe rritje të numrit të bursave për studentët.
Kryeministri Kurti, i pranishëm në takim, vlerësoi rëndësinë e angazhimit të të rinjve në zhvillimin e Mitrovicës dhe shprehu mbështetje për vizionin e Pecit.
Peci e mbylli fjalën e tij me mesazhin:
“Për ëndrrat dhe jetën që ju meritoni.”
Lexo po ashtu:
