Kryetari i Komunës së Mitrovicës, Faton Peci, ka bërë të ditur se vetëm në njërën nga drejtoritë komunale janë ndërmarrë 444 veprime brenda më pak se dy muajsh nga emërimi i ekzekutivit të ri, duke e cilësuar këtë si shembull të “qeverisjes efikase”.
Në një reagim publik, Peci tha se ekzekutivi komunal është përballur me një gjendje të rëndë të trashëguar nga pushteti i kaluar, duke përmendur probleme si uzurpimi i pronës komunale, ndërtimet pa leje, shfrytëzimi i pronës komunale për vite nga persona të afërt me ish-pushtetin pa përmbushur obligimet ligjore, si dhe trajtimi selektiv i rasteve.
Sipas tij, ndër sfidat e trashëguara janë edhe mosrespektimi i kontratave, mungesa e veprimit ndaj deponive ilegale brenda qytetit, ndërhyrjet e “politikës ditore” në zbatimin e vendimeve përfundimtare, shfrytëzimi i terasave komunale pa pagesë, parkingjet publike të uzurpuara, si dhe funksionimi i tregut të gjelbër në rrugë dhe trotuare.
Peci theksoi se gjatë kësaj periudhe janë ndërmarrë disa masa konkrete nga organet komunale dhe inspektorati.
Sipas tij: 6 objekte janë rrënuar ose larguar, ndërsa 14 të tjera janë në proces;6 ndërtime pa leje janë ndërprerë;janë realizuar 166 veprime për lirimin e hapësirave publike;
janë organizuar aksione të rregullta javore për risistemimin e tregut;
janë ndërmarrë aksione në transportin rrugor për mbrojtjen e konsumatorëve nga rritja abuzive e çmimeve;
në 5 objekte janë vendosur shirita për mosrespektim të dispozitave ligjore;rreth 60 reklama të vendosura kundërligjshëm janë larguar nga hapësirat publike;
janë shqiptuar 22 gjoba ndaj shkelësve të ligjit.
Ai shtoi se janë zhvilluar edhe inspektime të rregullta me inspektorët sanitarë për zbatimin e ligjit kundër duhanit në hapësirat e mbyllura publike, duke përfshirë gjoba dhe mbyllje lokalesh.
Peci nënvizoi gjithashtu se për herë të parë po zbatohet një praktikë e qartë e përgjegjësisë ligjore ndaj uzurpatorëve të pronës komunale.
“Në rastet kur uzurpatorët nuk i rrënojnë objektet brenda afatit ligjor, Komuna ndërhyn për rrënimin e tyre, ndërsa shpenzimet obligohen t’i mbulojnë vetë uzurpatorët”, ka deklaruar ai.
Në fund, kryetari i Mitrovicës theksoi se komuna mbetet e përkushtuar në zbatimin e ligjit dhe trajtimin e barabartë të qytetarëve, duke shtuar se “askush nuk është mbi ligjin”.
Postimi i Plotë:
Ja çfarë është qeverisja efikase
Dy ditë pa u bërë dy muaj nga emërimi i ekzekutivit, vetëm në njërën nga drejtoritë janë ndërmarrë 444 veprime.
Përballë një gjendjeje të rëndë të trashëguar nga pushteti i kaluar me:
•Uzurpim i pronës komunale
- Ndërtime pa leje
•Shfrytëzim i pronës komunale me dekada nga njerëz të afërt me ish pushtetin pa kryer oblgimet ligjore ndaj komunës - Trajtim i rasteve në mënyrë Selektive
- Mosrespektim i kontratave
- Mungesë veprimi ndaj deponive ilegale brenda qytetit
- Ndërhyrja e “politikës ditore” në ekzekutimin e vendimeve përfundimtare
- Shfrytëzim i terasave komunale pa paguar detyrimet
- Shitës ambulantë në çdo cep të qytetit
- Parkingje publike të uzurpuara
- Anekse të lokaleve që nuk i paguanin asnjë cent komunës e shumë shkelje të tjera
- Tregu i gjelbër që operonte në rrugë e trotuare
Disa nga vendimet dhe veprimet që kemi ndërmarrë deri tani:
- 6 objekte janë rrënuar/larguar dhe 14 të tjera janë në proces
- 6 ndërtime pa leje janë ndërprerë
- 166 veprime për lirimin e hapësirave publike
- Aksione të rregullta javore për risistemimin e tregut
- Aksione në transportin rrugor për mbrojtjen e konsumatorit dhe parandalimin e rritjes abuzive të çmimeve për udhëtarët
- Vendosja e shiritave në 5 objekte për mosrespektim të dispozitave ligjore
- Rreth 60 reklama të vendosura kundërligjshëm janë larguar nga hapësirat publike
- Largim i plotë i mbetjeve të shitësve ambulantë tek Liqeni Akumulues
- 22 gjoba të shqiptuara ndaj shkelësve të ligjit
- Inspektime të rregullta me inspektorët sanitarë për zbatimin e ligjit kundër duhanit në hapësirat e mbyllura publike (gjoba dhe mbyllje lokalesh)
- Ndalim i punimeve të paautorizuara në hapësira publike (rrugë dhe trotuare)
Vlen të theksohet se për herë të parë po zbatohet një praktikë e qartë e përgjegjësisë ligjore: në rastet kur uzurpatorët nuk i rrënojnë objektet brenda afatit të përcaktuar ligjor, Komuna ndërhyn për rrënimin e tyre, ndërsa shpenzimet obligohen t’i mbulojnë vetë uzurpatorët.
Mbesim të përkushtuar në zbatimin e ligjit dhe trajtimin e barabartë të qytetarëve.
Askush mbi ligjin!
