Partia Demokratike e Kosovës i është drejtuar Kryekuvendarit Glauk Konjufca dhe Kryesisë së Kuvendit për caktimin e një seancë të hënën që vjen, për të diskutuar rreth dialogut Kosovë – Serbi.
Seanca, të cilën e kërkon PDK-ja ka një pikë të rendit të ditës, e që është “debat parlamentar për zhvillimet ne dialogun ndërmjet Republikës së Kosovës dhe Republikës së Serbisë.
Deputetët opozitarë kërkuan edhe sot që të mbahet një seancë e jashtëzakonshme ku do të flisnin për Dialogun, por mocioni i LDK-së dështoi. Lëvizja Vetëvendosje votoi kundër.
Kryeministri Albin Kurti tha se është i gatshëm që ta informojë opozitën rreth propozimin evropian për normalizimin e raporteve me Serbinë, por nuk mund ta bëjë në një seancë të hapur.
