Kryetari i Komunës së Prizrenit, Shaqir Totaj, gjatë ditës së sotme pritet të mbaj konferencë të jashtëzakonshme për media, duke filluar nga ora 12.00. raporton KosovaNews.
Kjo konferencë e jashtëzakonshme vjen pas dorëheqjes së drejtoreshës së Punës dhe Mirëqenies Sociale, Vjollca Kabashi, që ishte në kabinetin e Totajt, si pjesë e koalicionit të tij me AAK-në.
Lidhur me arsyetimin dorëheqjes Kabashi në orët e vona të së hënës, ka njoftuar se është kërcënuar nga kryetari i Prizrenit, Shqir Totaj, shefi i kabinetit të tij Nehat Elshani dhe drejtori i Shërbimeve Publike Çelë Lamaj, për të nënshkruar një pagesë që sipas Kabashit ishte e kundërligjshme.
E këtë rast, Kabashi ka thënë se iu ka drejtuar stacionit të policies në Prizren.
“Pas detyrimit të nënshkrimit nën kërcënim mbrenda zyrës së kryetarit, i dërgova email përsëri kryetarit ku lidhur me këtë rast i njoftova dhe u drejtova në stacionin policor ku dhashë deklaratë në njësitin e krimeve ekonomike në Prizren për të gjitha keto parregullsi.”, ka thënë Kabashi.