Presidentja e Kosovës, Vjosa Osmani, ka ndarë në rrjetet sociale përshtypjet e saj pas pjesëmarrjes në koncertin e këngëtarit dhe kompozitorit të njohur, Armend Rexhepagiqi, duke e cilësuar atë si një natë të paharrueshme artistike.
“Në një koncert magjik, ku emocioni, kujtimi dhe dashuria për muzikën u bashkuan në një natë të paharrueshme,” shkroi Osmani, duke vlerësuar zërin dhe shpirtin artistik të Rexhepagiqit si të papërsëritshëm dhe frymëzues për shumë gjenerata.
Ajo shtoi se përmes interpretimit të tij, artisti e kishte çuar publikun në një udhëtim të veçantë ndërmjet nostalgjisë dhe freskisë së krijimeve të reja.
“Faleminderit, Armend, për çdo akord që na bëri të ndiejmë emocion e nostalgji dhe për krijimtarinë që sfidon kohën,” përfundoi ajo postimin, të cilit i bashkëngjiti edhe fotografi nga ngjarja.
Një koncert magjik, ku emocioni, kujtimi dhe dashuria për muzikën u bashkuan në një natë të paharrueshme. Armend…
Posted by Vjosa Osmani on Sunday, July 20, 2025
