Presidentja e Republikës së Kosovës, Vjosa Osmani, është duke qendruar në Slloveni, në kuadër të takimit të Bërdo-Brijunit.
Osmani pati rastin të realizojë takim me homologun e saj malazez Milo Gjukanoviq, me të cilin diskutuan mbi çeshtjet e rajonit.
“Në margjinat e takimit të liderëve të Procesit Brdo-Brijuni u takova me presidentin e Malit të Zi, Gjukanoviq. Diskutuam zhvillimet aktuale në Evropë dhe rajonin tonë dhe theksuam rëndësinë themelore të bashkëpunimit që synon promovimin e paqes, stabilitetit dhe të ardhmes sonë euroatlantike” shkroi Osmani në Twitter.
In the margins of the Brdo-Brijuni Process leaders’ meeting, I met with ?? @predsjednik_cg Đukanović.
— Vjosa Osmani (@VjosaOsmaniPRKS) September 12, 2022
Discussed current developments in Europe & our region, & emphasized the underlying importance of cooperation aimed at promoting peace, stability & our Euro-Atlantic future. pic.twitter.com/i9G3axYPvU
Të njëjtën gjë e pohoi edhe presidenti malazez.
“Bisedë me presidenten Vjosa Osmani për çështjet bilaterale dhe zhvillimin e situatës në rajon. Mali i Zi dhe Kosova janë të vendosur në parimet e ruajtjes së stabilitetit dhe perspektivës europiane të rajonit”, shkroi Gjukanoviq.
Takimet që po bëhen në Slloveni, janë duke u organizuar në kuadër të 10 vjetorit të procesit të përbashkët Slloveni-Kroaci.
Temat që do të diskutohen në këtë takim janë: rëndësia e procesit Brdo-Brijuni në 10- vjetorin e tij, adresimi i pasojave të COVID-19, rimëkëmbja ekonomike dhe plani investiv i BE-së, zgjerimi i BE-së si prioritet gjeostrategjik, si dhe përmbyllja e projektit të Evropës së bashkuar me përfshirjen e shteteve te Ballkanit Perëndimor.
