Bartësja e listës së Lëvizjes Vetëvendosje në Prizren, Dafina Alishani, ka bërë thirrje për mobilizim qytetar në prag të balotazhit, duke theksuar se kandidati i VV-së, Artan Abrashi, është “opsioni i vetëm dhe i duhur” për kryetar të qytetit, shkruan KosovaNews.
Në një postim në Facebook, Alishani ka theksuar se me angazhim dhe pjesëmarrje, qytetarët mund ta sjellin ndryshimin që Prizreni ka nevojë.
“Sot një javë, me kismet, e kemi opsionin e vetëm dhe të duhur për Prizrenin. E kemi më të duhurin për ta sjellur ndryshimin. E kemi mundësinë me e zgjedh Artan Abrashin për kryetar të Prizrenit. Angazhimi dhe vota e juaj mundet dhe duhet ta sjell ndryshimin. Ju ftojmë të na bashkoheni në ndryshim! Na priftë e mbara 🫶”, ka shkruar ajo.
Balotazhi për kryetar të Prizrenit do të mbahet më 9 nëntor, ku Artan Abrashi nga Lëvizja Vetëvendosje garon kundër kandidatit të Partisë Demokratike të Kosovës, Shaqir Totaj./KosovaNews/
