Njësitë Speciale të Bosnje Hercegovinës e kanë arrestuar Elvis Kelmendin, djalin e biznesmenit të akuzuar për trafikim të drogës, krim të organizuar e vepra tjera penale.
Kelmendi u arrestua të martën bashkë edhe me gjashtë persona të tjerë.
Arrestimet u kryen në Sarajevë dhe Neum.
Aksioni ishte i mbikëqyrur nga Prokuroria e Bosnje dhe Hercegovinës me urdhër të gjykatës shtetërore, shkruan gazeta N1.
Sipas njoftimit të policisë janë kontrolluar disa objekte dhe mjete të transportit me qëllim të mbledhjes së provave materiale.
Ky aksion po vazhdon ende dhe nuk janë dhënë më shumë detaje.
