Një ngjarje jo e zakonshme ka ndodhur në një shkollë të Prizrenit.
Drejtori i shkollës ka raportuar në polici të martën e 30 majit se njëri nga nxënësit iu ka dërguar mbi 30 mesazhe kërcënuese mësimdhënësve.
Lajmin e ka konfirmuar Shaqir Bytyqi, zëdhënës i Policisë së Kosovës për rajonin e Prizrenit.
“I mituri ka kanosur mësimdhënësit nëpërmjet WhatsApp dhe iu ka dërguar mbi 30 mesazhe”, ka thënë ai, duke shtuar se nxënësi ka deklaruar se e ka bërë një listë të nxënësve që “do t’u bëj keq”.
“Policia në koordinim me prokurorin e shtetit janë marrë me rastin. Është intervistuar edhe prindi i nxënësit”, ka përfunduar Bytyqi.
