Deputetët e shumicës parlamentare kanë votuar kundër mocionit të Aleancës për Ardhmërinë e Kosovës për ta futur në rend dite debatin parlamentar për minatorët, që janë grevë tash e dhjetë ditë.
Deputetët e Vetëvendosjes abstenuan në mocionin për Policinë, pas protestës së djeshme të Njësisë Speciale Intervenuese.
Mocioni u përkrah nga Partia Demokratike e Kosovës dhe Lidhja Demokratike e Kosovës.
Deputetët e opozitës kanë kërkuar që t’u plotësohen menjëherë kërkesat e minatorëve, ndërsa shefja e grupit parlamentar të VV-së, Mimoza Kusari-Lila, ka thënë se kanë bërë çdo përpjekje për plotësimin e kërkesave porse nuk ka qenë e mundur, duke aluduar se greva mund të jetë edhe politike.
Ndërkaq tani opozita në shenjë revolte për moskalimin e propozimeve të saj ka lëshuar punimet e seancës, ndërsa që diskutimet po vazhdojnë me pikat tjera të rendit të ditës që kanë mbetur të papërfunduara nga tri seanca plenare të nisura në shtator e tetor.
