Policia e Kosovës njofton se një person ka raportuar dje në Polici se në muajin shkurt është operuar në Spitalin e Prizrenit dhe sipas tij, nga ajo ditë e ka humbur shikimin në njërin sy.
Ai thotë se edhe pse ka kryer intervenime në spitalin e Turqisë, nuk ka pasur sukses.
Në raportin 24-orësh të Policisë thuhet se në cilësinë e të dyshuarit është intervistuar një kirurg, i cili më pas është liruar në procedurë të rregullt.
“Viktima mashkull kosovar ka raportuar se me datën e lartë-cekur ishte operuar në Spitalin Rajonal Prizren dhe sipas tij nga ajo ditë e ka humbur shikimin në njërin sy edhe pse i ka kryer disa intervenime në spitalin e Turqisë, por pa suksese. Në cilësinë e të dyshuarit është intervistuar një mashkull kosovar -kirurg, i cili me vendim të prokurorit është liruar në procedurë të rregullt”, thuhet në raport.
Rasti është iniciuar si “Trajtim i pandërgjegjshëm mjekësor”.
