Një burrë zbathur që mbante një flamur palestinez u ngjit në Kullën Elizabeth, ku ndodhet Big Beni, në Pallatin Westminster në Londër.
Ai valëviti flamurin palestinez nga kulla, duke thirrur “Palestinë e lirë, e lirë”.
Shërbimet e urgjencës, përfshirë Policinë Metropolitane, Brigadën e Zjarrfikësve të Londrës dhe shërbimin e ambulancës, u përgjigjën menjëherë për ta garantuar sigurinë publike.
Një turmë njerëzish u mblodhën në Sheshin e Parlamentit për ta parë ngjarjen.
Incidenti çoi në mbylljen e rrugëve përreth, duke përfshirë Rrugën e Urës (Bridge Street) dhe pjesën veriore të Urës Westminster.
Më herët, aktivistët nga grupi “Palestine Action” shkruan “Gaza nuk është në shitje” në ish-fushën e golfit të presidentit amerikan Donald Trump, Turnberry në Skoci, duke thënë se veprimi ishte një përgjigje e drejtpërdrejtë ndaj planit të tij për ta “marrë kontrollin” e Rripit të Gazës.
