Një pasagjer ka humbur jetën dhe më shumë se 30 të tjerë janë lënduar gjatë një fluturimi të linjës ajrore “Singapore Airlines”, që po udhëtonte nga Londra për në Singapor, si pasojë e turbulencave të forta.
Boeing 777-300ER me destinacion Singaporin, u detyrua të ateronte në Bangkok.
Në aeroplan gjendeshin gjithsej 211 pasagjerë dhe 18 anëtarë të ekuipazhit, ka bërë të ditur linja ajrore përmes një deklarate.
“Singapore Airlines” i ka shprehur ngushëllime familjes së të ndjerit, raporton BBC.
