Një person është arrestuar të enjten në Gjilan, i dyshuar për dhunë në familje dhe armëmbajtje pa leje.
“Me datën 29.05.2024 Njësiti i Hetimeve të Stacionit Policor Gjilan në vazhdën hetimit të rastit ‘’Dhunë në familje’’ ku dyshuari R.D. (viti i lindjes 1994, mashkull kosovar shqiptar) me banim në qytetin Gjilanit kishte ushtruar dhunë në familje, nën dyshimin se i njëjti posedon edhe armë ilegale me leje të Prokurorit të Shtetit ka realizuar një kontroll në shtëpinë dhe objektet përcjellëse të tij”, thuhet në njoftimin e PK-së.
Policia e Kosovës ka njoftuar se të dyshuarit me inicialet R.D. 30-vjeçar, i janë gjetur dhe sekuestruar tri pistoleta dhe disa fishekë të kalibrave të ndryshëm.
“Gjatë kontrollit janë gjetur dhe konfiskuar si prova materiale për gjykatën: Një (1) revolver e llojit Magnum 357, Pesëdhjetë (5)0 copë fishekë Magnum 357, Një (1) pistoletë e llojit Zastave 635, Gjashtë (6) copë fishekë të kalibrit 6.95mm, Një (1) karikator i zbrazur i kalibrit 6.95 mm, Një (1) revolver pa numër serik, Gjashtëdhjetë (60) copë fishekë të kalibrit 7.62mm, Tre (3) copë fishekë të kalibrit 9mm, Një (1) karikator i zbrazur i armës përkatëse, Shtatë (7) copë fishekë të kalibrit 7.65 mm”.
Ndërsa, i dyshuari pas intervistimit në bazë të procedurave ligjore me urdhër të prokurorit të shtetit është dërguar në mbajtje për 48 orë dhe ndaj tij do të ngrihet kallëzim penal për veprën penale “Dhunë në familje” dhe “Mbajtja në pronësi, kontroll ose posedim të paautorizuar të armëve”.
