Një fëmijë nga Gjakova është rrëzuar shkallëve të shtëpisë dhe i njëjti është dërguar për t’i dhënë ndihmë në emergjencën e spitalit të Gjakovës.
Policia ka njoftuar se për shkak të gjendjes shëndetësore viktima është dërguar për tretman mjekësor në Qendrën Klinike dhe Universitare të Kosovës (QKUK), në Prishtinë.
“Raportohet se në emergjencën e spitalit të Gjakovës ka kërkuar ndihmë mjekësore një fëmijë, viktima femër kosovare, e cila dyshohet se është rrëzuar nga shkallët në shtëpi. Për shkak të gjendjes shëndetësore viktima është dërguar për tretman mjekësor në QKUK Prishtinë”, thuhet në raportin e policisë.
Policia ka bërë të ditur se rasti është duke u hetuar.
