Presidentja e Komisionit Evropian, Ursula von der Leyen ka arritur në Prishtinë. Ajo erdhi në Presidencë ku është pritur me ceremoni nga e para e shtetit të Kosovës, Vjosa Osmani.
Presidentja e KE-së do të takohet edhe me kryeministrin, Albin Kurti, raporton KosovaNews.
Pas vizitës në Prishtinë, Von der Leyen pasdite do të udhëtojë për në Beograd, ku do të takohet me presidentin e Serbisë Aleksandar Vuçiq dhe kryeministren, Ana Brnabiq.
Ndryshe, vizita në Kosovë është në kuadër të një vizite katërditore në rajon, të cilën von der Leyen e ka nisur të dielën në Maqedoninë e Veriut.
Ajo gjithashtu do të qëndrojë për vizitë në Mal të Zi dhe Bosnjë e Hercegovinë.
Vizita vjen pas takimeve që von der Leyen pati në Shqipëri në fillim të këtij muaji, në datat 15-16 tetor, ku mori pjesë në Samitin e Procesit të Berlinit.
