Situata e tensionuar në kufirin Kosovë-Serbi, përveçse reagimeve nga brenda Kosovës – si nga përfaqësues vendorë po ashtu edhe nga ata ndërkombëtarë – ka nxitur reagime edhe nga vende të ndryshme evropiane – dhe jo vetëm.
Shefi i diplomacisë evropiane, Josep Borrell ka mirëpritur vendimin e Qeverisë së Kosovës për shtyrjen e reciprocitetit ndaj targave dhe letërnjoftimeve të lëshuara nga Serbia deri më 1 shtator dhe ka thënë se pret që bllokadat e vendosura nga serbët në veri të largohen menjëherë.
Ndërsa përfaqësuesi special i BE-së për dialogun Kosovë-Serbi, Miroslav Lajçak, ka përshëndetur vendimin e Qeverisë së Kosovës, për ta shtyrë deri me 1 shtator, implementimin e vendimeve për targa dhe letërnjoftime.
Dhe përveç këtyre, lidhur me këto zhvillime, ndër reagimet e shumta është edhe ai i kryediplomatit turk, Mevlut Çavushoglu, përcjell KosovaNews.
Përmes një postimi në Twitter, Çavushoglu ka thënë se pas situatës së krijuar në veri të Kosovës, ka biseduar me homologët e tij, atë nga Kosova dhe atë nga Serbia.
Spoke with my #Serbian & #Kosovar counterparts regarding the recent tension.
— Mevlüt Çavuşoğlu (@MevlutCavusoglu) July 31, 2022
Peace and stability in the Balkans have always been a priority for Türkiye.
New tensions will not help anyone.
Türkiye is ready to do whatever is necessary to reduce the tension.
“Fola me homologët e mi serbë dhe kosovarë në lidhje me tensionin e fundit. Paqja dhe stabiliteti në Ballkan kanë qenë gjithmonë një prioritet për Turqinë. Tensionet e reja nuk do të ndihmojnë askënd. Turqia është e gatshme të bëjë gjithçka që është e nevojshme për të ulur tensionet”, ka shkruar Çavushoglu.
Përveç tij, një reagim ka ardhur edhe nga ministri i Punëve të Jashtme të Letonisë, Edgars Rinkevics.
Closely following events in the Northern #Kosovo, everyone, especially in #Serbia, should keep cool head and should avoid inflammatory rhetoric and actions
— Edgars Rinkēvičs (@edgarsrinkevics) July 31, 2022
“Duke ndjekur nga afër ngjarjet në veriun e Kosovës. Të gjithë, veçanërisht në Serbi, duhet të jenë gjakftohtë dhe duhet të shmangin retorikën dhe veprimet nxitëse”, ka shkruar Rinkevics në Twitter.
Ndërsa ish-ministri i Punëve të Jashtme i Suedisë, Carl Bildt, ka bërë dy reagime.
“Një tjetër krizë në kufirin Kosovë-Serbi… Askush nuk duhet të ketë interes që situata të dalë jashtë kontrollit…”, ka shkruar ai në kohën kur në veri gjendja ishte e tensionuar.
Gjithashtu Bildt ka bërë edhe një reagim tjetër menjëherë pasi Qeveria e Kosovës ka njoftuar se vendimi për shtyrjen e vendimit për reciprocitet deri më 1 shtator 2022.
At least a pause in the ???? potential crisis. Time to restart attempts to defuse the situation. Saner souls prevailed for the time being. https://t.co/S4BR8QYoYL
— Carl Bildt (@carlbildt) July 31, 2022
“Të paktën një pauzë në krizën e mundshme (në kufirin) Kosovë-Serbi. Koha për të rifilluar përpjekjet për të qetësuar situatën”.
Another crisis on the ?? ?? border. Emotions are running very high, notably on the ?? side, but no one should have an interest in the situation getting out of hand. I hope saner souls prevail. https://t.co/wxvSRYzY99
— Carl Bildt (@carlbildt) July 31, 2022
Ndryshe, siç ishte raportuar të dielën, në veri të Kosovës, përveç barrikadave pati edhe të shtëna me armë zjarri të cilat u konfirmuan edhe nga Policia e Kosovës – e disa qytetarë edhe u maltretuan në kufi.
Në disa vende policia kishte bërë të ditur se është shtënë edhe ndaj njësiteve policore, por që nuk ka asnjë të lënduar.
Këto zhvillime erdhën ndërsa Qeveria e Kosovës kishte paralajmëruar se që nga sot (1 gusht 2022), do të niste zbatimi i reciprocitetit me Serbinë për targat dhe letërnjoftimet.
Dhe një ditë para se ky vendim të hynte në fuqi, serbët lokalë në veri të vendit filluan kundërshtimet e tyre duke vendosur barrikada në rrugët që çojnë në dy pikë kalimet kufitare me Serbinë – Jarinje dhe Bërnjak.
