Organizimet e ndryshme të futbolldashësve nuk janë ndërprerë asnjëherë në Kosovë. Turnire të ndryshme në futboll të vogël organzohen gjithandej Kosovës, dhe i tillë është turniri tradicional “Sadik Ramadanaj” në fshatin Sopijë të Komunës së Suharekës
Turniri Tradicional “Sadik Ramadanaj” në fshatin Sopijë të Komunës së Suharekës nisi të organizohet në vitin në 2014 më emër tjetër, por në vitin 2015 vdes njëri nga kontributdhënësit e organizimit, dhe nga viti 2016 ngjarja e merr emrin e tij.
Ky turniri është duke u rritur nga viti në vit si për nga shikueshmëria ashtu edhe për nga numri i ekipeve pjesëmarrëse.
Edhe këtë vit numri i ekipeve pjesëmarrëse është mjaft i madhe, pasi ka arritur në 64 ekipe.
E veçanta e këtij turniri është se pos transmetimit Live në Facebook të secilës ndeshje, transmetimi është bërë edhe në televizion përmes platformës VISTA. E njëjta do të bëhet edhe këtë vit.
Shikueshmëria, serioziteti i mbarëvajtjes së rregullave të lojës, puna vullnetare, entuziazmi i të rinjve janë jashtëzakonisht të larta në këtë turnir.
Turniri fillon sot më datë 18.06.2023, dhe sot janë të parapara 5 ndeshje.
Turniri pritet të zgjasë deri në javën e dytë të muajit Korrik.
